Bakioko Udalak, Bakioko Abesbatzak eta Bizkaiko Foru Aldundiak antolatuta, gaur abiatuko da Bakioko XXXVI. Musika Astea.
Uztailaren 18tik 21era bitartean lau kontzertu izango dira Andra Mari elizan, 20:00etan, eta sarrera doakoa eta libre izango da. Musika Asteari amaiera emateko azkeneko emanaldia kiroldegian egingo da.
Diogun moduan, gaur, hilak 18, Andra Mari Parrokian, 20:00etan, Bakioko Abesbatza eta Ales Larrazabal arituko dira. Uztailaren 19an, Dúo Aburto-Alciturri taldearen txanda izango da. Uztailaren 20an, Ibili Munduan izeneko ikusgarriaz gozatzeko aukera egongo da, eta elizan izango den azken emanaldia uztailaren 21ean izango da, De Mahler a Mahler musika ikuskizunarekin.
Azkenik, uztailaren 29an, Jon Maiaren Kantu bat gara kontzertu ederrarekin amaituko da aurtengo Bakioko XXXVI. Musika Astea. Azken kontzertu hori, bertako kiroldegian izango da, 20:00etan hasita.
