
Maiatzaren 4ra arte, Iruñeko Ziudadelako Arma Aretoan, Formatutik kanpo izeneko erakusketa kolektiboa izango da ikusgai. Erakusketa, Iruñeko Udalaren eta Nafar Ateneoaren arteko elkarlanaren emaitza da, eta sei artista nafarren lanak biltzen ditu: David Anocibar, María Azkona, Andrea Ganuza, Pedro Osákar, Carlos Puig eta Juan Sukilbide.
Antolatzaileek hala zehaztu dute erakusketaren nondik norakoak: Aukeratu ditugun artistek ahots propioa dutela uste dugu, artearekin duten harremana bizitzeko modu berezi bat, eta horri esker, erakusketan sei erakusgai indibidual daude, eta irudiek eta pentsamenduak duten aberastasun guztia eskaintzen digute. Hain justu ere, ekarpen pertsonal hori nabarmendu nahi dugu, eta horretarako, nahikoa toki eskaini nahi izan diogu artista bakoitzari, bere obra ulertu eta hartaz gozatu ahal izateko.
Arteak bide ematen digu gure intimitatea, desirak eta intuizioak iruditan edo ideietan adierazteko, eta uste dugu aukera hori giza garapenaren adierazpen zoragarria dela, gizartearen jakinduriari eta sentimenduei egin diezaiekegun ekarpen amaigabea.
Erakusketa honetan, artista bakoitzak plazera sentitzera, hausnartzera eta gogoa berotzera gonbidatzen gaitu, denok guretzat nahi genukeen indarrarekin eta jakinduriarekin egin ere. Sei lagun, arteak dakarren aberastasuna bizitzeko sei modu, dagoeneko ditugun guztiei batzeko beste sei mundu”.