Gaur berton, hitzordu bitxia izango duzue zinemarekin Nafarroako Filmotekan, Ekialdeko Metazinema izeneko saioarekin.
Bertako emanaldien antolatzaileek adierazi dute zertan den ekimen hori: “Zinemen historia, filmak proiektatzeko aretoena, aberatsa eta bitxia izan da ekialde urrunean. Zinematografoak Asiako zinema bezala ezagutzen den horretan (Iranetik Japoniaraino) izan duen sedukzioa bikaina izan da, bai ekoizpenean (India izan da urteko errealizazio zinematografiko gehien izan dituen herrialdea; ondoren, Txina eta AEB daude), bai erakustaldian, non zinema-aretoetako edukierak ehunka edo milaka zenbatzen diren, aretoak beteta ikusten baitira.
Zinema, beraz, Asia ekialdeko milioika biztanleren artean duten esperientzia izan da, eta filmak hiri, herri eta herrixka urrunetan ikusi ahal izan dituzte, askotan zinema ibiltariaren ahalegin ugariei esker. Zineak ere jaso ditu esperientzia horiek, bere “Cinema paradiso” partikularretan. Egin berri ditugun hiru istorio aukeratu ditugu ikusleekin eta zinemaren familiako kideekin enpatizatzeko, mugimenduan dauden irudien narrazioen mundua gure bizitzaren parte izatea lortu baitute.”
Irailean hiru saio ondu dira, eta gaur, Good Bye, Dragon Inn (Tsai Ming-liang, 2003) filma izango da lehena, 19:30ean hasita. “Zinema zahar batek ateak betiko itxi aurreko azken proiekzioa, Japoniar gazte bat korrika doa zinemara ekaitzetik ihes egiteko. Tokiak hutsik dirudi, bizitzarik gabe, eta , hala ere, beste presentzia batzuk daude, bertan dauden ikusle urriez gain.”
Irailaren 14an eta 20 izango dira hurrengo zitak.
