Algortako Portu Zaharreko Jaiak abuztuaren 12tik 15era bitartean izango dira aurten. Horren harira, kartel lehiaketaren deialdia zabaldu du jai batzordeak.
Hala, aurkeztuko diren kartelek neurri hauek izan beharko dituzte: 70cm x 50cm (ala alderantziz), eta bertan agertu beharreko testua: Portu Zaharreko Jaiak 2011 – Abuztua 12-15. Kartelak uztailaren 11 baino lehen aurkeztu beharko dira Algortako Kultur Etxean (Villamonte).
Kartelaren atzealdean ezizen bat jarriko da, eta kartelarekin batera emango den gutun-azalaren kanpoaldean ere jarrita egongo da. Gutun-azalaren barruan egilearen izen-abizenak, helbidea, telefonoa eta e-maila. Euskarri informatikoa ere aurkeztuko da, kartela eskuz egin dutenek salbu.
Sariei dagokienez, lehenengo sarituak 350 euro poltsikoratuko ditu, eta bigarrenak 150. Bi lagunentzako bina otordu ere emango dituzte; Portu Zaharreko jatetxe batean izango dira.
Sari banaketa uztailaren 14an egingo dute Portu Zaharreko Plazan, 20:00etan. Amaitzeko, sei kartel bilduko dituen erakusketa ere antolatuko dute Portu Zaharra Tabernan.
Informazio gehiago jaso nahi izanez gero, hemen.
