ARTEA

Estetika urbanoko elementuak irudi fetitxeak garatzeko

Bizkaiako Diputazioak sustatzen duen Barriek programaren barruan M. Benito Pirizen obrak Rekalde Aretoan jarri dira erakusgai.  Erakusketaren titulua Pikete tuning da, eta 2023ko urtarrilaren 15era arte bisitatu ahalko da.

Barriek zikloan Bizkaiko Foru Aldundiaren beka jaso duten hainbat artistaren obrak aurkezten dira, eta hala, artiston obrak ikuskatu eta proiektatzeko plataforma ederra da ekimena.

M.Benitok hauxe azaldu du bere erakusketaren inguruan: “Estetika urbanoko elementuak, hala nola oversize jantziak, sneakers zapatak, lumazko anorakak, tatuaje tribalak eta gorputzeko aldaketak oinarritzat hartu ditut nire irudi fetitxeak garatzeko. Elementu eraldagarritzat eta pieza konbinagarritzat nahiz konbinagarritzat jo daitezkeen eskulturak dira.

Obra zehatzago definitzerakoan honakoa esan du: “Pikete tuning sorbaldaren beheko zatian egindako tatuaje tribal baten gaineko azterlana dela ulertu daiteke, zeina gorputzera eta jarreretara egokitzen baita; hori guztia, osagarriari eta gorputzari egokitzeko haren moduari buruzko nire aurreko proiektuari lotuta. “Piketea izatea” estiloa izatea eta nire gustukoa izatea da. Pikete hitzak outfit-ari egiten dio erreferentzia, look-ari, itxura estetikoari eta tuning-ari, zerbait nire gustukoa izan dadin itxuraldatzeari, alegia. Zehazki, “gerrillako tuning” delakoari lotuta dago, hau da, eraikuntzako aparrarekin eta kartoiarekin egindako ibilgailuak fintzeari”.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.