Montehermoso Kulturuneak World Press Photo lehiaketari eskainitako erakusketa hartuko du aurten ere, gaur hasita eta azaroaren 13ra bitartean.
Ezbairik gabe, munduko fotokazetaritza lehiaketarik garrantzitsuena eta ospetsuena da World Press Photo. Erakusketa hainbat hiritan izango da ikusgai, eta fotokazetari entzutetsuek ateratako argazkirik onenak biltzen ditu.
1955an Amsterdamen sortu zen World Press Photo munduko prentsa-argazkilaritza lehiaketa entzutetsu eta garrantzitsuena da. Erakunde independentea da eta kalitatezko prentsa-argazkilaritzaren bitartez mundua ulertzen laguntzea du helburu. Herbehereetako Constantijn Printzearen babespean, prentsa-argazkilaritzarekin zerikusia duten hezkuntza-jarduera nahiz ekitaldi profesional anitz antolatzen ditu urtero eta argazki-erakusketa da, zalantzarik gabe, guztien artean nabarmenena.
Beti gertatzen den bezala irudiek ez dute inor epel utziko.
