Izar & Star ekimenean parte hartzen duten talde eta artistek euren talde edo disko kutunen kantuak moldatzen dituzte kontzertu ikusgarrietan. Ziklo horretatik hainbat talde pasatu dira euren ekarpenak haizatzeko: Rukula, Capsula, Mursego, Txuma Murugarren, Lou Topet eta Last Fair Deal, besteak beste.
Azken hitzorduan Lou Topetek AEBetako hainbat talderen abestiak ekarri zituen euskarara eta Rukula bandak M-ak taldeko kantak bertsionatu zituen.
Bada, gaur berton beste zita bat dago Izar & Star zikloaren barruan, gainera hitzordu horren 100. emanaldia izango da. Hala, Izar & Star zikloak Señores, Jupiter Jon eta McEnroe bilduko ditu Kafe Antzokian. Señores bilbotarrek REM talde estatubatuarrenaren doinuak joko dituzte; Getxoko McEnroe banda, berriz, El Ultimo de la Fila talde katalanaren azalean sartuko da; eta, azkenik, Jupiter Jon gipuzkoarrek Punky Reggae Party izenburuko saioa prestatu dute, tartean, Gong, Psychic TV, Lydia Lunch eta Linton Kwesi Johnson artistek doinuak moldatzeko.
