Herenegun aurkeztu zen sariketa, atzo Barakaldon izan zen lehen saioa (Busturialdea txapeldun) eta gaur, bigarren saioa izan da Igorren, Arratia eta Durangaldea taldeen artean. Bietarik onena Durangaldea taldea izan da.
Aurtengo edizioko bigarren saioa ere giro ezin hobean jokatu da gaur, eta lan guztiak amaitu ostean, puntu gehien batu dituen taldea Durangaldea izan da. Hortaz, martxoaren 16an Iurretan jokatuko den finalaurrekorako txartela lortu du.
Datorren astean beste bi saio egingo dira: Mungian (martxoak 9) eta Markina-Xemeinen (martxoak 11).
Sariketa honetan Arratia, Busturialdea, Durangaldea, Enkarterri/Ezkerraldea, Hego Uribe, Lea Artibai, Uribe Butroe eta Uribe Kosta eskualdetako bertsolariek hartuko dute parte.
