ESZENA

“Dantzaldiak” dantza garaikideko hainbat hitzordu dakartza egunotan

Bilboko Nazioarteko Dantza Jaialdiaren (Dantzaldia) XXI. edizioa abenduaren 18ra arte luzatuko da, baina egunotan hainbat proposamen artistiko dakartza bere baitan.

Azaroko emanaldi nagusia Sevillan finkatutako Ana Morales (Bartzelona, 1982) dantzariak protagonizatuko du. Azaroaren 21ean (18:00) Sin permiso ikuskizuna aurkeztuko du Guggenheim Museoaren auditorioan (sarrerak agortuta daude urriaren 31tik).

Proposamen hori “flamenko berriaren korrontearen barruan kokatzen da, izan ere, dantzari inkonformista honen eta koreografo garaikide baten arteko lankidetzatik sortu da (Guillermo Weickert). Moralesen aitaren figuraren inguruko requiem bat da, eta buleriak, sevillanak, segirillak eta rumbak ere nahasten dira. Moralesekin batera, beste dantzari bat, bi musikari eta kantari bat izango dira, eta ikuskizunak musika elektronikoaren eta beste tresna batzuen ukituak izango ditu”. Sin permiso lana bi urteko biraren ostean estreinatuko da Euskadin.

Hurrengo egunean (azaroaren 22an), Ana Morales eta Jose Manuel Alvarezek flamenko arloko bi masterclass emango dituzte Andoni Aresti Landa Dantza Eskolan, Leioan (edukiera beteta dago dagoeneko).

Dantzaldiaren hurrengo hitzordua azaroaren 24an izango da, bideo-dantza pieza batzuekin. Montrealeko TTLF konpainia eta Kyra Jean Green koreografoa ezin izan dira bertaratu. Bilbora etortzekoak ziren azaroaren 26an eta 27an, bi funtzio eta masterclass bat ematera. Orduan Quebecetik helduko dira La Fundición aretora, Doos Colectivo taldearekin laguntzarekin. Saio hori Euskadi eta Kanadako eremu horren arteko lankidetza-hitzarmenaren barruan dago.

2020 Dantzaldia jaialdiaren egitarau osoa, hemen ikus dezakezue.

 

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ACEPTAR
Aviso de cookies
Tresna-barrara saltatu