Iragan urriaren 2an hasi zen MuraJazz izenburuko jazz-zikloa Iruñeko Baluarten, Tommy Caggiani Therion Project egitasmoaren emanaldiarekin. Bada, hil honetan, beste bi hitzordu izango dira, programa horren barruan: hilaren 9an, Mikel Andueza Quartet eta 15ean, Josetxo Goia-Aribe + Seidagasa.
Mikel Andueza saxo-jotzaile nafarra laukote formatuan arituko da, ostiralean, hilak 9. Andueazak Cada 5 segundos izenburuko lana aurkeztuko du.
Josetxo Goia-Aribe saxo-jotzaile nafarra da, eta Seidagasa, berriz, Quique Simón (pianoa) eta José María Pastor (perkusioa) musikariek osatutako taldea da. Abangoardiako hirukote horrek Las Cortinas… izenburuko lana aurkeztuko du: inprobisazio askean oinarritutako jazz disko purua da.