FANT maiatzaren 3tik 11ra arte luzatuko da. Maiatzaren 3an hasiko da ofizialki 30. edizioa, Campos Eliseos antzokian egingo den gala batekin.
Ekitaldi horretan Laura Alveak zuzendutako La mujer dormida thriller psikologikoa proiektatuko da. Ondoren, Fant Laburrean-Euskal Filmak sailaren 13 film laburrak proiektatuko dira. Eta egun horretan ere, FANTek Javier Botet eta Ivan Miñambresi Ohorezko FANT Sariak emango dizkie.
Azken egunean, Cameron Cairnes eta Colin Cairnes zuzendarien Late night with the devil (2023, Australia) filmak itxiko ditu jaialdiaren ateak.
FANTen lehiaketako Sail Ofizialean hautatutako 18 filmak pantailaratuko dira Azkuna Zentroko auditorioan eta Golem Alhóndiga zinemetan. Film luze hauek Film Luze Onenaren FANT 2024 sarietarako, Gidoi Onenaren sarietarako (Euskal Gidoilarien Elkarteak emandakoa) eta Zuzendaritza Berritzaileenerako (FAS zineklubak emandakoa) hautagaiak izango dira.
Film laburren Sail Ofizialak 22 lan proiektatuko ditu aurten, 13 euskal film laburrei eskainitako saioan eta 9 nazioarteko film laburren saioan. Nazioarteko beste 9 film laburrek parte hartuko dute Panorama Fantástico en Corto sailean.
Panorama Fantastikoa atalean aipatutako nazioarteko 9 film laburrez gain, hautatutako 7 film luze ere proiektatuko dira. Maestros Del Fant saioetako filmak ere Golem zinemetan emango dira. Hala, ostegunean, hilak 9, Pedro Olearen Zombie eguna eta No es bueno que el hombre esté solo (1973, Espainia) eta Lamberto Bavaren Demons (1985, Italia) filmen txanda izango da, biak aurtengo Estrellas Del Fantástico sarituak.
Eta Órbita Fant sailean Koreako eta Suediako lanak emango dira.
FANT Bilboko Zinemaldi Fantastikoaren 30. edizio honetan generoko beste klasiko batzuk ikusiko dira, ikusleek berriz ere pantaila handian gozatzeko aukera izan dezaten. Oraingo honetan, proiekzio bereziak Matrix (1999, AEB) eta El arte de morir (2000, Espainia) izango dira. Film horiez gain, John Boormanek zuzendutako Excalibur (1991, Erresuma Batua/AEB) eta Jon de Sosaren Mamántula (2023, Espainia) filmak ikusi ahal izango dituzue.
Egunez eguneko programazioa: FANT
