Josu Larrinaga Arzak (Sodupe, 1964 EHU/UPVko Gizarte Antropologiako irakasleak Euskal Musika Kosmikoak (Baga Biga) liburua argitaratuko du laster, Euskal musika popularra gizartearen isla eta aldatzailea lelopean. Liburuak Larrinagaren Soziologian doktoregoa eskuratzeko aurkeztutako tesian du bere jatorria.
Liburuak Euskal Herriko herri-musikak gizartean, eta alderantziz, izan duen eragina du ardatz. Argitaletxearen arabera, “euskal musika kosmikoen historia soziala taxutzerakoan nolabaiteko argitasuna sor dezakegu Euskal Herriaren lurraldeetan pasa den mendeko 1960 hamarkadatik aurrera oraintsu arte gertatu diren zenbait prozesuen inguruan”.
Liburua sei ataletan banatzen da: Euskal pop musikaren agerpena; Euskal pop musikaren zabalkundea: folka, rocka eta plaza; Punk mutazioa: milurtekoaren betikotzea; Erretromanian hondartutako euskal pop musika; Gurasoei harrotu, mundua aldatu, Euskal Herria birsortu… eta gero hau!; Bonus track: Zenbait kontzeptu potolo, ahalik eta azkarren azalduta.
