Izar & Star zikloan parte hartu ohi duten talde eta artistek euren talde edo disko kutunen kantuak moldatu ohi dituzte. Ziklo horren baitan hamaika taldek parte hartu dute: Capsula, Mursego, Txuma Murugarren eta Last Fair Deal, besteak beste.
Hala, ostegunean hitzordu berri bat izango da programazio horrn harira: Lou Topet taldeak Wilcoren kantuak egingo ditu euskaraz eta Rukulak M-ak taldearen doinuak moldatuko ditu.
Lou Topetek AEBetako hainbat talderen abestiak ekarri zituen euskarara Abesti bat gutxiago diskoan, harkaitz Canoren laguntzaz. Rukula bandan, bestalde, M-ak taldeko musikari ohi Kaki Arkarazoren semeak jotzen du baxua, Martxel Arkarazok, zeina soinu teknikaria ere baden.
Horretaz gainera, abenduaren 26an Izar & Star zikloak100. emanaldia egingo du, Kafe Antzokian. Hauexek parte hartuko dute ekitaldi berezi horretan: Señores, Jupiter Jon eta McEnroe.
Señores bilbotarrek REM talde estatubatuarrenaren doinuak joko dituzte; Getxoko McEnroe banda, berriz, El Ultimo de la Fila talde katalanaren azalean sartuko da; eta, azkenik, Jupiter Jon gipuzkoarrek Punky Reggae Party izenburuko saioa prestatu dute, tartean, Gong, Psychic TV, Lydia Lunch eta Linton Kwesi Johnson artistek doinuak moldatzeko.
