MUSIKA

Aste honetan abiatuko da Getxo Jazz

Bihar abiatu (hilak 3) eta uztailaren 7ra arte, Getxok Jazz jaialdiaren kontzertuak haizatuko dira, eta gainera, Euskadiko jazz zirkuituari hasiera emango dio Getxokoak.
Hortaz, bost egunez, 17 kontzertu eskainiko dira Muxikebarrin eta Algortako Geltokia plazan.

Aurten programatu diren kontzertuak musikako izen handiek emango dituzte, tartean, Stacey Kent, Hiromi, James Carter, Bill Frisell eta Kurt Rosenwinkel. Ordainezko kontzertuez gain, Talde Lehiaketako talde gazteen emanaldiak, Hirugarren milurtekoa atala, eta familientzako kontzertuak osatuko dute jazz programazio guztia.

Biharko kontzertua James Carterrek (1969, Michigan) egingo du. “90eko hamarkadan sortutako saxofoi jotzailerik harrigarrienetako eta originalenetako bat da artista estatubatuarra, saxo-mota guztiak menderatzen dituena, altutik baritonoraino, eta klarinetean eta klarinete baxuan ere aditua dela”.
Hurrengo egunean, hilak 4, Hiromi Uehararen (1979, Hamamatsu) txanda izango da. “Egungo eszenako pianistarik originalenetako bat da, eta bere sormen-energiak jazzaren, musika klasikoaren eta poparen mugak zeharkatzen ditu”.
Uztailaren 5ean, Kurt Rosenwikel (1970, Filadelfia) gitarra-jotzaile ospetsuaren txanda izango da. Berarekin, Mark Turner saxofoi-jotzailea, Ben Street baxu-jotzailea eta Jeff Ballard bateria-jotzailea arituko dira.
Larunbatean, Stacey Kent (1968, New Jersey) izango da protagonista. Bere errepertorioa swing klasikoetatik bossa nova-raino zabaltzen da, chanson frantziarraren kanta erromantiko ezagunenetako batzuen moldaketak barne.
Azkenik, uztailaren 7an, Bill Frisell (1951, Baltimore) artistak itxiko du jazzaldia.

Beste aldetik, Algortako Geltokia plazan Hirugarren Milurtekoa ataleko kontzertuak (19:00) izango dira, eta nagusiki artista gazteak arituko dira.

Egun horietan izango diren bestelako kontzertuak, eta abar: Getxo Jazz

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button