ABAO Bilbaok Mozart musikariaren Così Fan Tutte operaren bost emanaldi programatu ditu urtarrilaren 21etik 30era bitartean, Bilboko Euskaldunan. Vanessa Goikoetxea, Serena Malfi, Xabier Anduaga eta David Menendez izango dira laukote protagonista opera famatu horretan. Izan ere, Wolfgang Amadeus Mozarten opera hori gehien antzeztu denetako bat da, eta desleialtasuna du gai nagusia, komedia moduan kontatua.
Mozarten jenialtasunak eta Da Ponteren talentuak, Le nozze di Figaro eta Don Giovanni-n aritutakoak, istorio bat birsortzea lortu dute, bere garaian moralaren kontrakotzat hartua izan zena, apustu baten ondorioz mozorrotu egiten diren bi gazteren gaineko maitasunezko pultsioz betea. Bakoitzak bestearen emaztegaia liluratzea lortzen dute, endredoko komedia baten osagai guztiekin: maitasuna, infidelitatea, engainua, jelosia, mozorroak, etab.
Taldeak aparteko musika-konposizio ederra erakusten du, testu ironiko batekin eta amaiera malenkoniatsu eta zoriontsu batekin konbinatuta, non bertuteak eta maitasunak arrakasta duten.
Óliver Diazek partitura mozartiar ederrenetako bat zuzenduko du Euskadiko Orkestraren aurrean.
