Elorrioko Iturri kultur etxean, Gernikako Bakearen Museoa Fundaziotik ekarritako Artea eta Giza Eskubideak erakusketa ikusgai izango da urtarrilaren 28ra bitartean.
Hainbat grabatu artistiko batzen dituen erakusketa honen helburua, Giza Eskubideen Aitorpen Unibertsalaren printzipioak ezagutaraztea da, eta horretarako jatorri ezberdinetako artistak batu ditu: Puerto Rico, Brasil, Australia, Burundi, Hegoafrika, Txina, Kolonbia, Zimbawe, Egipto, India, Indonesia, Iran, Irak, Kenya, Sudan, Pakistan, Peru, Senegal, Mozambike, Sri Lanka, Israel, Turkia, Venezuela, Tibet eta Namibia.
Grabatuen bidez “Giza Eskubideen Aitorpen Unibertsala osatzen duten artikuluak ezagutuko ditugu eta Giza Eskubide hauen zabalkundean arteak duen indarra ikusteko aukera emango digu”.
