Donostiako Fantasiazko eta Beldurrezko Zinemaren 31. Astea urriaren 31 eta azaroaren 6a bitartean egingo da aurten, eta bertan, lanak aurkezteko epea ireki dute; azken eguna abuztuaren 15a izango da.
Lehiaketan parte hartzen duten film luzeak Ikusleen Saria eskuratzeko lehiatuko dira, eta honako baldintza hauek bete beharko dituzte: 2019ko urtarrilaren 1aren ondoren egindakoak izatea; fantasia edo beldurra gai nagusia izatea; eta 30 minututik gorako iraupena izatea.
Film laburrek, ostera, honako baldintza hauek bete beharko dituzte: 2019ko urtarrilaren 1aren ondoren egindakoak izatea; gehienez 30 minutu izatea; eta fantasia edo beldurra gai nagusia izatea. Azken hauek honakoa sariak eskuratu ahal izango dituzte: Ikusleen Saria Film Labur Onenari (1.000 €); Nazioarteko Epaimahaiaren Saria (1.000 €); Ikusleen Saria Animaziozko Film Labur Onenari (1.000 €); Ikusleen Saria Espainiako Film Labur Onenari (1.000 €); Zilarrezko Méliès Saria Europako Film Labur Onenari; Gazte Epaimahaiaren Saria; eta Syfy Saria Espainiako Film Labur Onenari (3.000 €).
Betebeharreko eta jakingarri guztiak hemen kontsultatu ahal dituzue.
