BBK Poesia Vasca izeneko ekimenak bederatzigarren edizioa beteko du aurten, eta Pott Bandaren 40. urteurrena ospatuko da bertan. Pott-en eragina euskal literaturan erabakigarria izan da, bai gaietan eta bai hizkuntzaren tratamenduan.
Ostirala bitartean hainbat ahots, idazle eta errezital ondu dira, euskal poesiaren, euskal poesia ez denaren, eta Pott Bandaren inguruan.
Gaurko saioan, Ana Guadalupe Fernandezek eta Jose Luis Sanchok Joseba Sarrionandia, Bernardo Atxaga eta Jon Juaristiren olerkien errezitaldia egingo dute Itsaso debekatuak titulupean.
Hurrengo egunetan honako saioak programatu dira: Irailaren 19an, Pott Inguruan Bernardo Atxagaren eskutik; Irailaren 20an, Karmelo Iribarren eta Felipe Juaristi poemak, Versos cruzados. Irailaren 21ean, Reflejos de Andalucía diskoaren aurkezpena.
Eta irailaren 22an, Cuatro poetas vascas izeneko errezitaldia egongo da, Miren Agur Meabe, Itziar Mínguez, María Maizkurrena eta Blanca Sarasuaren eskutik.
