Mikelazulo kultur elkarteak antolatzen duen Eztena jaialdiaren 10. urtemuga gala batekin eta sei libururen argitalpenarekin ospatuko da aurten. Zita ekainaren 16an, 19.00etan izango da, Errenteria/Oreretako Niessen auditorioan.
Eztena antzerki jaialdiak aurten 10 urte betetzen dituela eta, gala berezi bat egingo da. Jaialditik urte hauetan guztietan pasatako sortzaileak sarituko dira egingo den gala berezi horretan.
Era berean, jaialdiak sei antzerki testu argitaratuko ditu. Horietako hiru euskaraz izango dira eta beste hiru gazteleraz. “Testu horiek aurretik argitaratu gabeak dira eta dramaturgia berrien ildoan koka daitezke.” Honakoak dira tituluak: Ella y él: Ficciones (Legaleon-T), Tres pedradas (Javi Barandiaran), Abandónate mucho (Las XL), Zapatak (Joxemari Karrere), Aitaren larrua (Tripak kolektiboa) eta Ametsen faktoria (Jose Martin Urrutia).
Jakin beharreko guztiak: Eztena
