Azaroaren 7an eta 8an izango da Maz Basauri zikloaren 13. edizioa eta Social Antzokiko emanaldietarako sarrerak gaurtik aurrera daude eskuragarri. Hala ere, kaleko doako programazioa ere izango da Rubia, Maialen Ibarra, Ben Santana eta Monday Potions artisten eskutik.
Antzokiko programazioak izen nabarmenak izango ditu: Los Punsetes, León Benavente, Triángulo de Amor Bizarro eta Toundra. Espainia mailan indiaren eta rockaren erreferente izan diren taldeak dira hauek, Estatu Batuetan ibilitakoak dira, milaka disko saldutakoak eta generazio baten ereserkiak idatzi eta abestutakoak. Horregatik, jendetza espero da azarorako MAZ Basauriko edizio honetan.
MAZen familia-programazioaren barruan ‘J.M. Brutal’ antzezlana ere dago. Iñigo Iraultza aktoreak zuzendu eta protagonizatutako lana Joxe Mari Getariako izozkigileari buruzkoa da, 1943ko ekainean 11 egunez II. Mundu Gerra geratzeko gai izan zena: erabili zituen arma bakarrak bere sorbete izoztuak eta Kantauri itsasoa baino inozentzia handiagoa izan ziren. Antzezlana, nagusiki, euskaraz egingo da.
