ZUbi proiektuaren bitartez, hastapen prozesuan dauden formatu txiki eta ertaineko obrak globalki bultzatu nahi dituzte, eta horregatik, ekarpena hainbat modutan egin nahi dute: sorkuntzarako espazioak utziz, lanaren premietara egokitutako laguntza eskainiz (artistiko, tekniko nahiz kudeaketakoa), ekoizpenerako diru-laguntza emanez, eta emanaldiak proiektuko kideen 8 guneetan ziurtatuz.
Lanen bat hastapenetan baduzue, bidali zure proposamena maiatzaren 16a baino lehen!
Eneritz Artetxeren Konpota antzezlana, ZUbi proiektuko lehen deialdian bultzatu zuen ekimen honek, eta herriz herri dabil obra antzezten.
Informazioa behar izanez gero, ekimenaren webgunea duzue hau: www.zu-bi.com
