Daniel Abreu Konpainiak “Isiltasuna” izeneko obra egingo du La Fundicion aretoan, bihar larunbata, 20:00etan eta igandean, 19:00etan. Madrileko taldeak 2014ko Dantza Sari Nazionala jaso zuen joan den urtean.
Oso adierazgarria da lan honek duen oinarria, eta La Fundicionek berak hala adierzi nahi izan du: “Silencio bizitzari eskainitako poema da, kontraste segida; belarrari hasten uzten dioten asfaltoko arrailen antzekoa; abandonatuta, hautsez bete eta eusteari uzten dioten etxeak; haserre likidoak, azkenean barnean solidotu egiten direnak; barne-isiltasunezko espazioak, bihotzaren eta haziz doazen zelulen soinuez beteko direnak”.
Obraren muinean isiltasuna da beti nagusi: “Isiltasuna zaila da aurkitzen eta, era berean, betazalak itxi arren ikusten jarraitzen dugu; begiez ez bada, irudimenaz”.
Obra honek barne hartzen duen guztiak alderdi gizatiarrenei erantzuten die; nork bere burua aztertzen du, beste guztiari begiratzen dion bitartean: bati eskuak falta zaizkio, deiak, ezbeharrak eta abestiak. Bitartean, zerbait falta zaigu… eta isiltasun, hutsune hori ulertzen badugu, esan nahi du bizirik gaudela.
