Nafarroako Filmotekak Birgizarteratzea proiektatzen zinema zikloaren bosgarren edizioa hartuko du irailaren 12, 19, eta 26an. Ekimena Barneko, Funtzio Publikoko eta Justiziako Departamentuak Justiziako Zuzendaritza Nagusiaren bidez antolatu da.
Pantailaratuko diren filmetan justizia nola izan daitekeen inklusiboagoa, eta biktimengan zentratuagoa hausnartzera gonbidatzen du, gizarte bidezkoagoa sustatzeko.
Zikloa gaur berton, hilak 12, abiatuko da Las vidas de Sing Sing (Greg Kwedar, 2023) proiekzioarekin, 19:30ean. Bertan, gizarteratzearen zain espetxean dauden pertsonen benetako istorioak erakusten dira, bizitzak eraldatu eta justizia gizatiarragoa susta dezaketen errehabilitazio-prozesuen eta aldaketa-aukeren garrantzia nabarmenduz. Elena Lacosta Nafarroako Gobernuko Gizarteratze, Bitartekaritza eta Justizia Errestauratiboko Zerbitzuko zuzendariak aurkeztuko du filma.
Hilaren 19an, Je ne te voyais pas (François Kohler, 2019) dokumentala proiektatuko da. Bertan, gatazkak konpontzeko elkarrizketaren boterea eta enpatia jorratzen dira. Filmak agerian uzten du komunikazio irekiak aukera ematen diela biktimei beren mina adierazteko eta erasotzaileei beren ekintzak aitortzeko. Filma Raul Manzanok aurkeztuko du, Bitartekaritza eta Justizia Errestauratiboaren Ataleko buruak.
Azkenik, zikloa amaitzeko, Pena de muerte ( Tim Robbins, 1995) proiekzioa egingo da irailaren 26an, 19:30ean. Proiekzio horrek gure zigor-sisteman aplikatzen diren justizia-moduak zalantzan jartzera gonbidatzen gaitu, biktimen ahotsa eta heriotza-zigorraren moraltasuna perspektiban jarriz. Filmaren aurkezpena Antonio Escrich Gizarteratze Saileko buruak egingo du.
