Nafarroako Filmotekak Poloniar Kultura Institutuarekin batera abiatuko du berriz Poloniako zinema garaikideri buruzko zikloa. Hil honetako ostiral orotan, zinemagile klasikoek zein gazte sortzaile berriek eginiko zinema pantailaratuko da.
“Poloniar zinema berrienaren artean egindako hautaketa anitzak hamar hiri bisitatuko ditu martxo eta ekain bitartean, film garrantzitsuenak zein egungo animazio adibide esanguratsuenak (Espainiara heltzen ez direnak) bilduz, 2017an ospatu den Poloniar Animazioaren 70. urteurrena goraipatzeko”.
Zikloa bihar bertan abiatuko da Komuna (Łaźnia, Polonia, 2013) laburrarekin eta The Last Family (Ostatnia rodzina, Polonia, 2016) izeneko filmarekin. Azken honek Poloniako Zinemagintza Akademiak emandako Orly saria jaso du, azken urteotan gehien saritutako filmen artean kokatuz. Zdzisław Beksiński margolari surrealistaren istorio nahasi eta harrigarria kontatzen du.
Egitaraua honako tituluekin osatuko da: martxoaren 9an, Ezkutatuta (Ukryte, Polonia, 2009), Amok-en sindromea (Amok, Polonia, 2017); martxoaren 16an, Best Friend (Polonia 2013) eta The Sun, the Sun Blinded Me (Słońce, to słońce mnie oślepiło, Polonia, 2014); eta azkenik, martxoaren 23an, Arratsalde bat (Popołudnie, Polonia, 2012) eta Artistaren azken urteak: Afterimage (Powidoki, Polonia, 2016) izeneko filmak ikusteko parada egongo da.
