Artekale Plentziako kaleko arte eszenikoen jaialdiaren 9. edizioa irailaren 18an eta 19an egingo da.
Bi egunetarako osatu den egitaraua honetan datza: gaur, irailak 18, Matraka Culinary Center piezaren bidez, menu/kontzertu formatuan, antzezleak eginiko plater musikal onenekin gozatuko dute entzuleek. Geroago, Elei enparantzan, Menakoz Dantza Taldeak Suak Su dantzaldia egingo du. Euskal kantagintza tradizionalaren, euskal dantzaren eta euskal ohituren berrantolaketa eta birmoldaketa ikuspegi sortzaile batetik abiatuta. Dantzaz, musikaz, kantuaz eta antzerkiaz jositako ikuskizun multidiziplinarra da pieza hau.
Bihar, hilak 19, lau kontu programatu dira: Laberint II-k espazioa jolas bihurtzen du, non ateak eta hormak agertzen diren eta enigmek mugitzera eta salatzaile zaren horri erreparatzera behartuko zaituzten; Escape Caravana, krimen bat gertatzen da karabana misteriotsu batean. Ezinbestekoa izango da ikusle parte-hartzaileen asmamena, eta, behin barruan, benetako istorioa ezagutzeko mekanismoa jarriko da abian; Zirko Txosko konpainiaren Tavole haurrentzako emanaldia da eta arriskuz eta emozioz beteta dago; Azkenik, Araka Escénica konpainiak Limani pieza egingo du, non ikuskizunak gorputzaren, mugimenduaren eta emozioen bidez bidaia poetiko bat proposatzen duen.
