Datorren larunbatean, hilak 21, Futbolariak eta printzesak parekidetasunean eta berdintasunean hazi eta hezteko antzezlana estreinatuko da Deustuko erriberako P6 aretoan. Galde Perezek zuzendu du obra hau, eta bertan, Jon Zubiaga eta Olatz Pagalday dira aktoreak.
Parekidetasunean eta berdintasunean hazi eta hezteko antzezlan honek hauxe kontatzen digu: “Odei eta Lur klasetik ihes egin duten neska eta mutila dira. Besteengandik ezberdin sentitzen dira, ez dituztelako neska ala mutil bati egozten zaizkion arauak bete nahi. Lurrek, Lur izan nahi du eta Odeik, Odei, inork esan gabe nola jokatu behar duten; mutila izateagatik futbolean jokatu behar duen ala neska izateagatik printzesak atsegin behar dituen.
Topiko sexistekin hautsi nahi duen haur eta gaztetxoentzako komedia azkarra. Esketx moduko eszena laburretan zehar, parekidetasunean bizitzea zailtzen duten egoerak umorez agerian utziko dituzte, antzerki jolasa eta musika lagun dutela.
