150gr. arte eszenikoen jaialdi alternatiboa da eta Gasteizko Pez Limbo eta El Mono Habitado konpainiek sustatzen dute. Hiriko espazio ez-konbentzionaletan eskaintzeko asmoz jaio zen. Abenduaren 27tik 29ra egingo da Montehermoso Kulturunean, baina ostiral honetan, abenduaren 19an, Aguraingo 2025eko 150 Gramo jaialdia izango da.
Bertan hiru antzezlanak aurkeztuko dira. Proyecto Larruak Sangre y klorofila dantza aurkeztuko du. Vicente Ameztoyren lanean inspiratzen da, muga horretan bizitzeko, paisaia amaitzen den eta gure ideiak hasten diren lekuan.
Unai García Amarok El Conserje antzerkia egingo du. “2035. urtea. Robotek mundua menderatu dute. Kixote porrokatu batzuek armak hartu dituzte zibilizazioaren kontrako erasoei aurre egiteko. Gaur, beren atezainaren galeragatik etsita, haren ordezkoaren bila hasi dira halabeharrez.”
Azkenik, La Piel Konpainiak Beren Izenez pieza egingo du. “Jaione eta Xabier tanatorioan daude, Jaioneren aitari hileta xume eta lotsagarri bat egin diote dirurik ez dutelako. Jaionek egoera konpontzeko, itxaroten ari diren haur jaioberriari aitaren izena jartzea proposatzen du, baina Xabik ez du hau onartuko, hainbat gatazka azaleratuz.”
