Metrokoadroka Sormen Laborategiak eta Javier Barandiaran Salto izenburuko lana prestatzen ari dira; prozesuan dagoen lana maiatzaren 25ean aurkeztuko dute, Oreretako Mikelazulo aretoan, 19:00etan.
Salto bakarrizketa formatuko lana da, eta Oier Guillanek idatzitako testu batean oinarritzen da; antzezlanaz, berriz, Javier Barandiaran arduratuko da.
Hala, obra bi elementu horietan sustengatuko da: testua eta aktorea. “Salto kode eszeniko ezberdinen artean mugitzen da, kodeen mugak arakatuz, deseginez, eta berreraikiz: pertsonaiatik pertsonaiara, pertsonaiatik aktorera, aktoretik testura, testutik publikoaren zentzumenetara”.
Finean, Salto bizitzaren jauzien inguruko lana da, “oholtzara ateratzea bera ere salto egitea delako”.
