Irailaren 17tik 19ra, Bilboko Errekalde auzoan egingo da Euskadin zirkuko arteei osoki eskainitako Zirkualde, Zirkuko Arteen Jaialdiaren XVII. edizioa,
Zazpi konpainiak akrobazia, kale-antzerki, aire-joko, zirku eta clown garaikidearen proposamenak haizatuko dituzte publikoaren gozamenerako. Jaialdian parte hartzen duten hiru konpainia, La Côte Folle okzitaniarrak, Cía Totaperdra katalanak eta Edu Manazas aragoiarra, EKO – Pirineos de Circo proiektutik datoz, eta Bilboko Udala proiektu horretako bazkide da. Ekimenak aukera ematen die artistei hainbat sorkuntza-gunetan egoitzak egiteko, euskarri ekonomiko bat eskaintzeaz gain.
Aurten, El Fango Kiroldegiak Dantza Bertikalaren IV. Topaketa hartuko du. Bertan, irailaren 17an, osteguna, aireko dantzaren modalitate honetako publikoarentzat bi erakusketa ireki eskainiko dira.
Gainera, Zirkualdek Emakumea zirkuan jardunaldiak ere eskainiko ditu, irailaren 16an eta 17an Errekaldeko Udaltegian. Programazioan solasaldi bat izango da, Vicente Ansolaren argazkiekin, Francisco Martín Medranoren eskutik, hilaren 16an, asteazkena, 19:00etan. Bertan, XX. eta XXI. mendeetako zirkuko mugarriak erakusten dira, zirkuko 40 emakumeren bizipenen bidez. Ostegunean, hilaren 17an, 17:30ean, Pedro Garrido Cearen Tonetti, un pequeño milagro dokumentalaren emanaldia izango da. Dokumentalak zirkuak gizartearentzat izan duen garrantzia erakusten du. Gainera, Atlas zirkuko emakumeek zirkoarekin izan zituzten zerikusia dutela aitortuko da.
Egunez eguneko ikuskizunak zertan diren jakiteko: Zirkualde