Zirkozaurrek ZKZ Topaketak ekitaldiaren zazpigarren edizioa antolatu du Bilbon, azaroaren 29tik abenduaren 7ra bitartean. Hortaz, zirkoak protagonismoa hartuko du egunotan, Bilbok Bilborocken, Zirkozaurren eta Gas Plazan egingo diren ikuskizunekin.
ZKZ Topaketa “hasieran sortu zen topagune izateko eta hainbat jatorritako artisten arteko harremanak errazteko, horrela sektorea sendotuko zuten sareak eta zirkuituak sortzen lagunduz. Hasieratik estuki lotuta eta konprometituta egon da gure inguru geografiko hurbilenarekin, eta besoak zabaldu dizkie hurbildu nahi duten guztiei.”
Egun horietan eta aipaturiko kokapenetan hainbat gala eta ikuskizun ondu dira, eta prestakuntza-eskaintza zabala ere antolatu da, hainbat diziplinatako ikastaro trinkoekin eta familientzako tailerrekin.
Ikuskizunen programazioa Zirkozaurre Espazioan hasiko da, Gorka Ganso clown talde ezagunak zuzenduko duen zirku gala batekin. Besteak beste, aireko akrobazian, trapezioan, kontortsioan edo diaboloan adituak direnek parte hartuko dute.
Egunotan arituko diren talde batzuk honako hauek dituzue: Anna Mateu valentziar konpainiak Arròs akrobazia koreografiko eta dantza proposamena taularatuko du. Egun batzuk geroago, jaialdia Bilborockera joango da Chicharrón Circo Flamencoren Empaque eskaintzeko, ostegunean, hilak 5; Roxi Katcheroffen Malabarian on the Rox hilaren 6an ikusiko da. Eta beste gala handi bat larunbatean, hilak 7, izango da, eta Roxik berak aurkeztuko du, eta Luis Niño “Totó” eta Andrea Rios artistak arituko dira. Emanaldi guztiak 20:00etan izango dira.
Hemen kontsultatu ahal duzue programazio osoa.