Kanariar irletatik datorren Mauricio Gonzalez artistak Wakefield Poole: Visiones y revisiones izeneko lana eskainiko du gaur eta bihar La Fundicion aretoan, Zinegoak ekimenaren programazioaren barruan.
Wakefield Poole: Visiones y Revisiones lan biren arteko konparaziozko azterlana da. Alde batetik, Wakefield-ek Ballet Errusiarrekin hainbatetan dantzatu zuen Zisneen lakuaren bigarren zatia jasotzen du; eta, bestetik, bere lehenengo filma zen Boys in the Sand zine erotiko gay-aren ikonoa.
Artistak publikoarekin partekatzen ditu, hitzaldi-performance formatuan, bere burua identifikatzen duten piezak.
Narrazioak artistak berak luzatzen du: “Nire lehenengo dantza irakasleak bere etxera eramaten gintuen askaltzera eta Ballet bideoak ikustera. Nik 16 urte nituen. Makarova eta Ivan Nagi “Zisneen lakua”ren bigarren zatian maitemintzen ziren, Rotbhart-en aztikeriari amore emanez, maitasunaren tragedia erromantikoan eroriaz. Balleta eta desira (sexuala). Errealitate bi haiek nahastu egiten ziren. Porté, developpe eta pirouette artean dantzariek harridura esaldiak sorrarazten zituzten gure artean: “Zelako orgasmoa!!!” “Ufffff!!!!”.
Wakefield Poole: Visiones y Revisiones lanarekin gorputza eman diot balletean emandako urteetan zehar neurekin izan nuen sentsazio eta uste hari. Aurretik egin ditudan lan guztiak une honen bila zeudela sentitzen dut orain”