VillaSoundBilbao programak bertako talde eta bakarlari gazteei laguntzeko eta ikusgarritasuna emateko baliabideak ematen dizkie, “musika arloko egungo proposamenak jendeari urira hurbiltzeko”. Programak izena emateko epea zabaldu du otsailaren 17ra arte.
Jasoko diren proposamen guztien artean epaimahai batek hautatuko ditu Bilborock aretoan 4 kontzertutan joko duten 12 taldeak. Aukeratutako bandek prestakuntza-programa batean parte hartuko dute, eta batek 3 kontzertuko bira bat egingo du.
Proposamenak musika mota garaikideak izan daitezke: rocka, popa, metala, trapa, elektronikoa, folka, egile-musika…, edo haien arteko nahasketa bat.
VSB programak hiru fase ditu: lehen aukeraketa da (12 talde edo bakarlariak). Horren ostean, 12 banda eta bakarlarietatik 6 hautatuko dira, mentoretza pertsonalizatuko programa batean eta estudioko saio batean parte har dezaten. Eta azkenik, 6 bandetako bat hautatua izango da 3 kontzertuko bira bat egiteko. Gainera, programak musikaren arloa sustatzen duten zenbait entitaterekin duen harremanari esker, baliteke taldeek eta bakarlariek beste kontzertu batzuk eman ahal izatea urtean zehar.
Betebeharreko guztiak kontsulta egiteko: VillaSoundBilbao.