Jazzber izeneko jaialdiak hiru emanaldi bilduko ditu asteazkenetik ostiralera, Bermeon. Kontzertuak Kafe Antzokian egingo dira, eta hauexek izango dira Bermeoko XIX. Jazzaldian parte hartuko duten artistak: Tomasz Wendt Trio, Wilfried Wilde Quintet eta Night Dreamers. Jaialdia Jizz Jazz Elkarteak ondu du.
Lehenengo emanaldia asteazkenean izango da: Tomasz Wendt saxofoi-jole poloniarrak zuzendutako hirukoteak joko du Bermeoko Kafe Antzokian. Hirukoteak inprobisazio jorratzen du. Europan barrena sari asko jasotako egitasmoa da.
Ostegunean, Wilfried Wilde gitarra-jole eta konpositoreak gidatutako boskotearen txanda izango da. Askotariko estiloak uztartzen dituen proiektua da: jazza garaikidea, klasikoa eta soinu bandak.
Azkenik, ostiralean, Euskal Herriko Night Dreamers boskotea arituko da. Musikene zentroan eratutako banda da, eta abangoardia eta tradizioa nahasten ditu.
Emanaldiak 20:30ean hasiko dira.