Gaur eta bihar, irailak 5 eta 6, Siberia Rock jaialdia egingo da Gasteizko Hor Dago! Tabernan. Bi egun horietan Gasteizko dozena bat taldek joko dute, 17:00etatik 1:00etara bitarte.
Aurtengoa jaialdiaren bigarren edizioa izango da, eta Jimmy Jazz aretoak eta Gasteizko Udalak ere parte hartu dute antolaketan.
Kontzertuak aire librean egingo dira, eta streaming bidez ere ikusi ahalko dira. Horrekin batera, jaialdiari buruzko argazki lehiaketa ere garatuko da sare sozialetan: Facebook, Twitter eta Instagram.
Agertokian ondoko taldeak izango dira: ostiralean, Arde, IONT, Dr. Sax, Tutan Come On, Same Old eta Freetangas. Larunbaten, halaber, beste sei taldek joko dute: Monkey Men, Flesh For Cannibals, Moonshine Wagon, Bourbon, The Soulbreaker Company eta Kongluten.