Jon Ander Urresti aktoreak Tribiz, baserri galdue antzezlana egingo du igandean, hilak 20, Gasteizeko Oihaneder Euskararen Etxean, 19:00etan. Bere familiaren baserri zaharrean aurkitutako tresnak oinarri hartuta, gainbeheran dagoen ondareari buruz hausnartzen duen lana sortu du.
Egileak berak hala deskribatu ditu lanaren nondik norakoak: “700 urtetik gora dituen Bizkaiko baserririk zaharrenaren aurrean bizi naiz, atez-ate. Gure familiaren azken belaunaldiko elkarren arteko gatazkek utzi zuten 1800 metro karratuko baserria arkeologia objektu bihurtzen. Baserri bat gelditzen den momentuan erortzen hasten baita. Sortez, akzioak erreproduzitzeko dokumentu batzuk kontserbatzen ditugu: lan tresnak. Tresna hauek, lanaren nostalgiaren inguruan zabalduko digute gogoeta: gure arbasoak baserria zutik mantentzen zuten akzioa hutsa ziren, lana. Akzio hauek ote dira gure ondarerik handiena? Baserritarren bilobak aktoreak dira gaur egun: eszenaren bizitza, akzio eta tresna horien oihartzunaren erabilera bilatzen duten baserritar posmodernoak. Egungo gaia da baserriarekin dugun gaztaka: erabilera galtzen ari den ondarearekin zer egin?”