Bilboko Fas zineklubak Eugène Green zinegile frantziarrak 2016an estreinatutako Le Fils de Joseph filma emango du gaur El Carmen aretoan, 19:45ean. Bilboko Institut Français-ekin elkarlanean egindako emanaldia da, zeina Alfonso Vallejok aurkeztuko duen.
Filma drama familiarra da, parabola erlijiosoekin josia, betiere eguneroko bizitzaren inguruan ardaztutako kontakizun errealista erakusteko.
Bilboko zineklubaren arabera, filmak hauxe kontatzen du: “Vicente, nerabe bat, bere amaren, Maria, amodioarekin koskortzen da, baina berak inoiz ez dio bere aitaren izena esan. Egun batean bere aitaren identitate ezagutuko du, Oscar Pormenor izeneko Parisko editore berekoi eta ziniko bat. Gazteak mendekurako plan bat asmatzen du baina Joseph izeneko gizon batekin topo egingo du, zeinak bere bizitza eta baita amarena aldatuko duen”.
Eugène Green zinegilea antzerki-gizona da, izan ere, Le théâtre de la Sapience konpainia eratu zuen Frantzian, 1970eko hamarkadan, AEBak utzi eta hamar urtera.
Bere zinean antzerkiaren zantzuak nabarmentzen badira ere, bestelako asmoak erakusten ditu zinea egiterakoan: “Le fils de Joseph-en ezaugarri garrantzitsuak honako hauek dira: planoen frontalitatea, antzezpen errezitatuak, aktoreen gelditasuna eta planoetatik pertsonaien irteerak eta sarrerak”.
Informazio gehiago: cineclubfas.com.
