Donostiako Kresala Zineklubak prest ditu urtarrileko emanaldiak,19:30ean Trueba zine aretoetan pantailaratuko direnak.
Bihar bertan izango da lehen saioa, Querido Trópico (Ana Endara, 2024). Lorategi tropikal batean denboraldi batean elkarrekin biziko diren bi bakardade elkartuko dira: batetik, dementziaren ondorioz nortasuna galtzen ari den goi-klase sozialeko emakume batena; bestetik, haren zaintzailearena, sekretu izugarri batek mundutik bereizten duen etorkin batena, hain zuzen.
Hurrengo saioa, urtarrilaren 27an izango da: Small Things Like These (2024). 1985ean, Eguberri bezperan, Irlandako Wexford konderriko herri txiki batean, Bill Furlongek ikatz merkatari gisa lan egiten du, emaztea eta bost alabak mantentzeko. Goiz batean, bertako komentuan ikatza banatzen duen bitartean, bere iraganari eta Eliza katolikoaren kontrolpeko herri baten isiltasun konplizeari aurre egitera behartzen duen aurkikuntza bat egingo du.
Small Things like These 2024ko drama historikoko filma da, Tim Mielantsek zuzendua eta Claire Keeganen 2021eko izen bereko eleberritik Enda Walshek moldatua. Protagonistak Cillian Murphy, Eileen Walsh, Michelle Fairley, Emily Watson, Clare Dunne eta Helen Behan dira.