Arriaga Antzokiak, igande honetan, 19:00etatik aurrera, Xabier Lete omentzeko kontzertu berezi bat programatu du: Hesia urraturik. Joxan Goikoetxea musikariak bultzatu du, Oiartzungo artistaren lagun pertsonala eta, urteetan zehar, bere musika-kolaboratzailea leialetako bat izandakoak.
Joxan Goikoetxeak idatzitako obra oratorio sinfoniko-koral moduko konposizio bat da eta Goikoetxea berak akordeoiarekin, eta musika-talde batek (Xabier de Felipe eta Mikel Ibañez (biolinak), Elur Arrieta eta Gorka Catediano (perkusioa) eta Jon Larraz (biolontxeloa) lagunduta, interpretatuko du. Beñat Egiarte tenorra eta Klara Mendizabal sopranoa, eta Iñaki Tolaretxipik zuzenduko duen Landarbaso Abesbatza oholtza gainean ere izango dira.
Musikagileak Xabier Leteren heriotzaren hamargarren urteurrenean egin zuen Hesia urraturik sorkuntza. Bertan, “poetaren testu- eta melodia-sorta zaindu bat berreraiki du. Horrela, oratorioak 13 zati ditu eta bere kezka eta zalantza existentzialistak —grina, fedea, etsipena, aberria, nostalgia, maitasuna, elkartasuna, berradiskidetzea, erredentzioa, itxaropena…— adierazten jakin zuen artista handi haren pentsaera eta imajinario filosofiko-estetikoa gogoratzera eta horretan sakontzera gonbidatzen gaitu”.