FICMA Bartzelonako Nazioarteko Ingurumeneko Zinemaren Festibalaren erakusketa abiatu zuten iragan abenduaren 2a, Gasteizko Luis De Ajuria Aretoan. Gaur, abenduak 18, erakusketa horretako azken proiekzioa izango da: Sand Wars.
Filma harearen ingurukoa da; alegia, hondarrak egungo industrian duen garrantziaz. Harea, izan ere, hainbat produktutan dago: hortzetako pastan, kosmetikoetan, ordenagailuetan eta mugikorretan, besteak beste.
Zine-jaialdiaren arabera, “Sand Wars filmak mundu osoan barrena eramango gaitu, urre-sukar berriarekin zerikusia duten kontratista, harea kontrabandista eta higiezinen sustatzaileen atzetik; bidenabar, ingurumen babesleak eta tokiko herritarrak topatuko dituzte, guztiok segurutzat jotzen dugun baliabide horren etorkizunerako mehatxua uxatzeko borrokan ari direnak”.
Emanaldia 19:30ean hasiko da.