Gaurtik urriaren 4era ospatuko da Caosticak antolatzen duen Gizazinearen 15. edizioa. Ziklo honek balioak eta giza eskubideak uztartzen dituen arte eta ikus-entzunezko piezak aurkezten ditu. Zinema, arte plastikoak edo musika bezalako diziplinen bitartez, hausnarketa, solasaldia eta tolerantzia sustatu nahi dira. Fokua feminismoan, globalizazioan, adiskidetasunean, bullying-ean, narko-terrorismoan edo ijitismoan bezalako gaietan jarriko da edizio honetan.
Programazioaren barnean, solasaldiak eta luzemetraien eta dokumentalen proiekzioak elkartuko dira. Zuzendarien, zinemagileen, ikerlarien eta aktibisten arteko eztabaidak ere uztartuko ditu jaialdiak. Horrez gain, kontzertuak, ilustrazio erakusketak eta DJ sesioak egongo dira, biztanleriari giza eskubideen hezkuntza disziplina artistiko ezberdinen bidez hurbiltzeko nahietan.
Hamabost ediziotan zehar, Gizazinea kultura eta pentsamendu kritikoa elkartzeko erreferentzia-gune bihurtu da Bilbon. Publiko zabalarentzat diseinatutako programek, belaunaldien arteko elkarrizketa sortzea dute helburu gure garaiko erronka sozial handien inguruan, eta artisten, aktibisten, akademikoen eta herritarren artean zubiak eraikitzea ere.