XPrest! AUX. II. edizio hau urriaren 18tik 19ra egingo da BBK Aretoan. Edozein pertsona edo taldek aurkeztutako lanek hartu ahal izango dute parte, aldez aurretik izena online emanez, www.zinemakumeak.org/xprest webgunean. Lanok emakume batek edo gehiagok zuzenduta egon behar dira.
Film laburren gaia urriaren 18ko 12:00etan emango da, meeting point gisa egokituko den BBK Aretoko auditorium eta espazioan. Lanak urriaren 19an emango dira toki berean, 17:00tatik 17:30etara.
Film laburrak euskaraz, gaztelaniaz edo audiorik gabe aurkeztu ahal izango dira. Gehienez ere, 5 minutuko iraupena izango dute, kreditu-tituluak barne, eta DV PAL (720×576) edo codec H.264 formatuan emango dira, ahal dela USB memorian.
Film labur guztietan, ondo ikusi beharko da AUX aldizkariaren ale bat. Antolakuntzak parte-hartzaileen esku jarriko ditu horretarako behar dituzten ale guztiak. Film labur bakarra aurkeztu ahal izango da.
Aurtengo edizioaren itxiera-ekitaldia urriaren 19an izango da, 20:30etan, Kale Nagusiko BBK Aretoan. Bertan, aurkeztutako film labur guztiak proiektatuko dira, eta sariak banatuko dira.
Sariak hauek dira: Fundación Autor SGAE saria, 500 euro; XPrest! AUX. saria, 300 euro; AUX-Bistró saria, talde osorako afari berezi Bistró Guggenheim-ean.