Carlus Padrissak, La Fura dels Baus sortzailetako batek bere 30 urteko ibilbidearen ondoren, publikoa sorginduko duen ikuskizuna dakar oraingoan ere konpainiak, Carmina Buranaren bertsio indartsu eta bizi-biziarekin.
Antolatzaileen esanetan, “zentzumenentzako musika eta antzerki sentsoriala da, bizi-indarrez betea, eta dagoeneko 200.000 ikus-entzule izan ditu Europan, Asian eta Amerikan”.
Hala, La Fura dels Baus-en unibertsoan murgilduko dira ikus-entzuleak bete-betean, obraren eszena zirraragarri, efektu berezien eta “udaberriko lurrinei” esker.
Agertokian hamar metroko diametroko zilindro batek biltzen du orkestra, eta haren gainean obra osoan zehar, ilargi erraldoi bat, desizoztea, ur-jauziak, “lore-extasia”, mahats-bilketa eta ardoa, edota ura eta suaren irudiak proiektatuko dira.
Emankizunak latinez, alemanez eta gaztelaniaz izango dira, eta hiru egunez, lau emankizun eskainiko dituzte: uztailaren 4an, ostegunean, arratsaldeko 20:00etan; uztailaren 6an, 18.00etan, eta 20:30ean; eta uztailaren 7an, arratsaldeko 19:00etan. Guztiak Victoria Eugenia Antzokian.
Ikuskizunaren gaineko informazio gehiagorako, joan lafura.com web atarira.
