Aurtengo Berumuga jaialdiaren barruan hilabeteko ostiral guztietan kontzertu bana antolatu dute Bergaran. Bihar, hilak 7, lehena izango da Kamikaze Helmets taldearekin, gaueko 22:00etan, Bergarako Espoloia plazan.
Kamikaze Helmets taldea rock, blues eta funk nazionalen eszenako musikari ospetsu bik osatutako rock banda da. Hainbeste kilometro eta gau rock-and-roll egin ondoren, beren proiektu propioa egitea erabaki dute, Led Zeppelin, Black Keys, White Stripes… bezalako eraginetatik edanez, baina gaur egungo ikuspegia emanez.
Taldean honako hauek aritzen dira: Gabri Casanova pianojolea, organista eta konpositorea. Goi-mailako lizentziaduna jazz espezialitatean. Piano klasikoa ikasten hasi zen 9 urterekin, baina laster jazza, funka, bluesa eta rockarekiko interesa piztu zitzaion. Kike Parra abeslaria eta bateria-jotzailea, konpositorea eta moldatzailea. Londresko LCCM unibertsitatean lizentziaduna. Bateria 14 urte zituenetik ikasi zuen, eta berehala hasi zen bateria modu obsesiboan ikasten.
Hurrengo kontzertuak 14an (Iker Piriss & His Dual Electrics), 21ean (Family Folks taldea), eta 28an (Sweet Marta & Johnny Bigstone taldea) izango dira, beti ere jazza ardatz dela.
Berumuga jaialdiaz gehiago jakiteko.