Nafarroako Gobernuak Kultur Intereseko Ondasuna izendatu du bertsolaritza. Izendapena aurkezteko ekitaldi bat antolatu du Gobernuak ekainaren 20an.
Nafarroako Gobernuko Ana Herrera Kultura, Kirol eta Gaztediko kontseilariak eman du izendapenaren berri eta “bertsolaritza Nafarroako kantu inprobisatuaren adierazpiderik nabarmenena eta hobekien kontserbatu dena” dela adierazi du. “Bertsolaritzak duen errotzea, komunitatearen babesa, eta transmisioa egiten ari den lana nabarmena dela” adierazi du.
Nafarroako Museoan egingo den ekitaldi publiko batean izendapen honen aurkezpen bat onduko da ekainaren 20an. Egun horretan, Gobernuko ordezkariekin batera, Gontzal Agote Nafarroako Bertsozale Elkarteko kidea, Julio Soto Nafarroako bertsolari txapelduna eta Alfredo Asiain irakasleak eta ahozkotasunean aditua izango dira.