Getxoko Udalaren laguntzarekin, ALBEk, Algortako Bertsolari Eskolak, urte birik behin izaten den Balendin Enbeita bertso paper lehiaketarako deialdia egin du. Lanak aurkezteko epea urriaren 18ra arte izango da.
Edonongo bertso-jartzaileek har dezakete parte, adinaren arabera, bi ataletan bereizita. Gazteena 18 urtera artekoentzat (6-10 bertso) izango da eta helduena 19 urtetik gorakoentzat (8-12 bertso). Parte hartzaile bakoitzak nahi beste bertso-sorta aurkez dezake, gaia, neurria eta doinua libreak direlarik, eta guztiak berriak izan behar dute, beste inon saritu edo argitaratu gabeak.
Helduentzako lehenengo saria txapela, 900€ eta garaikurra izango da, eta bigarrena 600€ eta garaikurra. Gazteentzako atalean, lehenengo saria txapela, 200€ eta garaikurra izango da, eta bigarrena 100€ eta garaikurra.
Lehiaketari buruzko informazio gehiago www.getxo.net webgunean duzue.