Zaurgarritasuna, zaintzak, ondoezak, kolektibotasuna, bazterrak, generoa… Zer da eromena?
Hori guztia ardatz bilakatzen da Isabel Saez Perez, Iker Oiz Elgorriaga eta Maier Irigoien Ulaiar hirukoteak sorturiko Zauria(k) izeneko ikus-entzunezko lanean.
Zauria(k) proiektua, eromena, gaizkiegonak eta osasun mentala ikuspegi feminista batetik lantzen duen dokumentala da. Sufrimendu psikosoziala eta genero bizipenak uztartzen eta 9 emakumeren errealitateak barne hartzen dituenak. Izendatzen ez dena ez da ikusten, eta ikusten ez dena ez da existitzen. Narratiba, ilustrazioa eta poesia bezalako adierazpen artistikoen bitartez, psiko-patologizazio prozesuen eta sexu-genero sistemaren arteko loturez hausnartzea du helburu, gure iruditegiak, praktikak eta ondoezak kudeatzeko tresnen inguruan pentsatu eta sentitzeko.
Dokumentala etxeraturik egon beharreko egoera honetan, Vimeo plataforman ikusi ahal duzue.