Bizkaiko Bertsolari Txapelketako udagoieneko faseko bosgarren eta azken kanporaketa azaroaren 5ean jokatuko da Zaldibarko Olazar frontoian, eta bertan erabakiko da zein bertsolarik kantatuko duen finalaurrekoetan.
Zaldibarren, 17:30etik aurrera, sei bertsolari ariko dira kantuan: Beñat Romero, Beñat Vidal, Eneko Arrate, Igor Menika, Nerea Ibarzabal eta Peio Ormazabal.
Zaldibarko irabazlea zuzenean sailkatuko da finalaurrekoetara; besteek, puntuazioen arabera edukiko dute horretarako aukera.
Saio hori amaituta, hauek dira finalaurrekoetako datak: azaroaren 19an, Markina-Xemein; azaroaren 27an, Basauri; eta abenduaren 3an, Larrabetzu. Finalaurrekoen ostean finala jokatuko da, abenduaren 17an.