Eneko Barberenak Afrikanerrak eta Garbiñe Ubedak Mehatxua izeneko liburuak plazaratu dituzte Elkar argitaletxearekin.
Distopia batean oinarritu du Barbenenak bere lan berria: Europar Batasuneko tropek Afrikako iparraldea hartu dute, migrazio ilegala kontrolatzeko asmoz. “Geroaren deskribaketa aseptikoaren itxurapean egungo gizarteari zuzentzen dio Barberenak begirada zorrotza, sarritan umoretsu eta beste askotan gupidagabea, prospektiba-ariketa burutsu bezain kitzikagarrian hainbat gai eta arlo maiseatuz: kultura, komunikabideak, industria, aisia, kontsumoa, eskola, politika, migrazioa, aberria, gerra…”
Garbiñe Ubedak neska gazte baten begien aurretik gertatzen den istorioa esperientziatik kontatu nahi izan du. “Amak Frantziara, Nizako aldiri urrunetara, bidali du Larraitz uda pasatzera, institutuko irakaslearengandik aldentzeko; euren arteko harremana ez omen da naturala”. Baina mehatxu batek dena aldatuko du.
