ESZENA

Partekatzen ditugun egoerez

Urnietako Sarobe Arte Eszenikoen Gunean, Tanttaka Teatroak Utzi mezua seinalearen ondoren  antzezlana oholtzaratuko du igandean, urriak 13. Igandeko saioa obraren aurrestreinaldia izango da, eta urriaren 15ean, Bilboko Arriaga Antzokian egongo da taldea euskarazko saioa eskaintzeko. Utzi mezua seinalearen ondoren maitasunari, bakardadeari eta mugikorren garaietako komunikazioari eskainitako begirada adimentsua, zirraragarria eta umorez betea da.

Lau emakumeren aitorpenak entzungo ditu ikusleak, baina aurrez aurre egin beharrean erantzungailu automatiko baten bidez egingo dituzte konfesioak. Izan ere, Utzi mezua seinalearen ondoren lau ahotseko istorioa da. Bakoitzak bere arazoak ditu, eta euren arteko konfesioak egiteko orduan nahiago izango dute gertatzen zaien hori erantzungailu automatiko bati aitortu. “Marina, Carmela, Sara eta Vivianak  (Miren Arrieta, Mireia Gabilondo, Oihana Maritorena eta Leire Ruiz) ahots-postontzia terapia gisa erabiliko dute beren burua ulertzeko, eta batez ere, besteek haiek uler ditzaten.”

Istorio baten jabe da bakoitza, hainbat argi-ilunen bidez mezuz mezu marraztuz joango direnak; hala, kontakizun intimoen bilduma bat osatuko da, dibertigarriak suertatzen direnak batzuetan, izugarri adimentsuak bestetan, hunkigarriak ia-ia beti, eta, batzuetan, suntsitzaileak ere bai. Bertan “bizitzaz eta heriotzaz, familia arteko harremanez, sentimendu harremanez, independentziaz, ezkonduez, amatasun arduratsuaz, egiaz eta gezurraz, zintzotasunaz, fideltasunaz, traizioaz, loturaz eta galeraz…, biziminaz… hitz egingo da. Eta, guzti horren gainetik, beti dantzan komunikazio ezaren laguna denaz: bakardadeaz.”

Eta azkenean, istorio partikularrak eta intimoak diren arren, badute komuneko lotura. Ez daude hain urrun bate bestearengandik, eta hala, pixkanaka, modu leun batean, elkarren artean lotzen joango dira, hitzaren bidez askatze indarraren istorioan murgildu arte.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ACEPTAR
Aviso de cookies
Tresna-barrara saltatu