ESZENA

“Oskara Plazara”, koreografiak, dokumentala eta dantza-ikuskizuna

Kukai Dantza eta Arena Comunicación Audiovisual-ek Oskara Plazara ikuskizuna aurkeztuko dute Kultur Leioako Auditoriumean, asteazkenean, 20:30etik aurrera, XIII. Dantza Zirkuituaren egitarauren baitan.

Zirkuituaren arabera, “Oskara plazara ikuskizunak dei egiten du dantzatik abiatuta nor zaren jakitera”. Proiektua identitatearen inguruan ardazten da, “nor garen, gure kultura, gure jatorria eta gure tradizioa dituzte hausnarketarako gai”. Horretarako koreografiak, dokumentala eta zuzeneko dantza-emanaldia uztartzen ditu.

Obraren sinopsia: “Nor naiz? Galdera horretan ezkutatuta daude gure jatorria, gure tradizioa, gure kultura. Gatazkak ere ezkutatzen ditu galdera horrek: tradizioaren eta askatasunaren artekoa, sorkuntzaren eta ohituraren artekoa, lurraren eta mugaren artekoa, iraganaren —gure arbasoen— eta etorkizunaren —gure herrikide berrien— artekoa”.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Back to top button